Shërohet pacienti i parë në Shqipëri me koronavirus, edhe testi i dytë negativ

Pacienti i parë me koronavirus në Shqipëri është shëruar. Drejtuesja e Shërbimit të Inteligjencës Epidemiologjike, Eugena Tomini në një deklaratë për mediat ditën e sotme njoftoi se kontaktit të ngushtë të pacientit zero, i është bërë ritestimi dhe ka rezultuar negativ.

Tomini u shpreh se do të vazhdohet edhe me testin e rradhës për ta konfirmuar plotësisht.

“Është kryer ritestimi për kontaktin e parë i cili ka rezultuar negativ. Do të vijohet me testimin e rradhës për të konfirmuar negativizimin me Covid-19 të këtij pacienti”, deklaroi Tomini.